Skip to content
انٹرنیشنل قمم فیلوشپ پروگرام نے اب پاکستان میں بھی اپنے دروازے کھول دیے ہیں اور درخواستیں وصول کرنا شروع کر دی ہیں۔ قمم ایک عالمی فیلوشپ پروگرام ہے جو قومی و بین الاقوامی سرکردہ کمپنیوں کے اتحاد کی معاونت سے چلایا جا رہا ہے، جس کا مقصد پاکستان کے باصلاحیت اور نمایاں یونیورسٹی طلباء کی شناخت، تربیت اور انہیں مکمل صلاحیتوں کے حصول کے لیے بااختیار بنانا ہے۔
یہ پروگرام اس یقین کی بنیاد پر تیار کیا گیا ہے کہ پاکستان غیر معمولی صلاحیتوں سے مالا مال ہے، اور ان صلاحیتوں کی نشوونما مستقبل کی بہتری میں بہترین سرمایہ کاری ہے۔
قمم فیلوشپ پروگرام کے تحت شرکاء کو درج ذیل مواقع فراہم کیے جائیں گے:
عوامی و نجی شعبے کے سینئر رہنماؤں سے ایک آن ایک رہنمائی (Mentorship)
معروف کمپنیوں کے ماہرین کی جانب سے لیڈرشپ ٹریننگ
پاکستان میں موجود ملکی و بین الاقوامی سرکردہ کمپنیوں کے دفاتر کے دورے
عالمی قمم ایلمونائی نیٹ ورک کی رکنیت
پروگرام کی تکمیل پر ایک اعلیٰ سطح کی تقریب میں اعزاز سے نوازا جانا
اور ان کی پروفائلز کو پاکستان کے اہم ایچ آر لیڈرز کے ساتھ شیئر کیا جائے گا تاکہ ان کے کیریئر کے مواقع بہتر بنائے جا سکیں
یہ پروگرام مختلف کمپنیوں کی فراخدلانہ مدد کے بغیر ممکن نہ ہوتا، جن میں شامل ہیں:
McKinsey & Company (بانی پارٹنر)، Azm Development، Careem، Wamda، Aberkyn، Bazaar Technologies، Career Pakistan، Cisco، IBEX Global Solutions، Khwarizmi Ventures، Raed Ventures، TPL Corp، Unilever، VentureDive، اور Walee، نیز عوامی و نجی شعبے کے متعدد اعلیٰ عہدے داران۔
اہلیت:
یہ پروگرام پاکستان کی کسی بھی یونیورسٹی میں بیچلر یا ماسٹرز کے طلباء کے لیے کھلا ہے، اس کے ساتھ ساتھ وہ پاکستانی طلباء بھی اہل ہیں جو بیرونِ ملک بیچلر یا ماسٹرز کی تعلیم حاصل کر رہے ہیں۔
فیلوز کے انتخاب کی بنیاد:
تعلیمی کارکردگی اور کامیابیاں
نصاب سے ہٹ کر سرگرمیوں میں قائدانہ صلاحیتیں
سماجی ذمے داری اور کمیونٹی سروس کے جذبے کا مظاہرہ
قمم فیلوشپ کا آغاز 2018 میں سعودی عرب میں ہوا تھا اور اب تک 350 باصلاحیت فیلوز گریجویٹ ہو چکے ہیں۔ 2025 میں اسے قمم فاؤنڈیشن (ایک غیر منافع بخش ادارہ) کے تحت پاکستان اور MENAP ریجن تک وسعت دی گئی ہے۔
درخواست جمع کروانے کی آخری تاریخ: 30 مئی 2025
