Skip to content
سوشل میڈیا پر پنجاب حکومت کی جانب سے ایک نوٹیفکیشن گردش کر رہا ہے، جس میں دعویٰ کیا گیا ہے کہ صوبے بھر کے تمام سرکاری و نجی اسکول 22 مئی سے 17 اگست 2025 تک موسم گرما کی تعطیلات کے لیے بند رہیں گے۔
تاہم، یہ دستاویز جعلی نکلی۔ یہ نوٹیفکیشن بظاہر محکمہ اسکول ایجوکیشن کی جانب سے جاری کردہ دکھائی دیتا ہے اور اس پر جعلی دستخط اور سرکاری فارمیٹنگ موجود ہے، جبکہ اس پر ایک بڑے سرخ حروف میں “FAKE” کی مہر ثبت ہے۔
نوٹیفکیشن میں غلط طور پر دعویٰ کیا گیا کہ چھٹیاں 22 مئی سے شروع ہو کر اگست کے وسط تک جاری رہیں گی، جس کی وجہ سے طلباء، والدین اور تعلیمی اداروں میں الجھن پیدا ہوئی۔
تاہم، پنجاب حکومت کی جانب سے پہلے ہی موسم گرما کی تعطیلات کا اصل شیڈول جاری کیا جا چکا ہے۔ سکولز ایجوکیشن کے سیکریٹری خالد نذیر وٹو کے مطابق، صوبے کے تمام سرکاری و نجی اسکول اور کالجز یکم جون سے 9 اگست 2025 تک موسم گرما کی تعطیلات پر ہوں گے۔
